મારુ નામ મારા બાળકોનુ જીવન બરબાદ કરી શકે છે, શાહરૂખ ખાનનો જૂનો વીડિયો વાયરલ

મુંબઈ, તા. 23 ઓક્ટોબર 2021 શનિવાર

બોલીવુડ સુપરસ્ટાર શાહરૂખ ખાન તાજેતરમાં જ પોતાના દીકરા આર્યન ખાનને મળવા મુંબઈના આર્થર જેલ પહોંચ્યા હતા. તેમની તસવીર અને વીડિયો ઈન્ટરનેટ પર વાયરલ થયો. શાહરૂખ ખાનના દીકરા આર્યન ખાનની ડ્રગ્સ મામલે ધરપકડ કરાઈ છે. આર્યન ખાનની NCB દ્વારા એક રેવ પાર્ટીમાંથી 2 ઓક્ટોબરે ધરપકડ કરાઈ હતી.

મારૂ નામ બાળકોનુ જીવન બગાડી શકે છે

આર્યન ખાન કેસની વચ્ચે સુપરસ્ટાર શાહરૂખ ખાનનો એક જૂનો વીડિયો ઈન્ટરનેટ પર વાયરલ થઈ ગયો છે. વીડિયોમાં શાહરૂખ ખાન પોતાના એક ડરનો ખુલાસો કરતા સાંભળવા મળે છે. આ વીડિયોમાં શાહરૂખ ખાને કહ્યુ, મારૂ નામ તેમની જિંદગી ખરાબ કરી શકે છે અને હુ નથી ઈચ્છતો કે આવુ થાય.

શાહરૂખ ખાનની લોકપ્રિયતાનો દુષ્પ્રભાવ

વર્ષ 2008માં એક ઈન્ટરવ્યૂમાં શાહરૂખ ખાન પોતાની લોકપ્રિયતા અને તેમના બાળકો પર પડી શકનાર દુષ્પ્રભાવને લઈને વાત કરતા જોવા મળી રહ્યા હતા. શાહરૂખ ખાને કહ્યુ, મારા પરિવારને લઈને મારો સૌથી મોટો ડર ખાસકરીને મારા બાળકોને લઈને એ છે કે તેઓ મારા પડછાયા વિના રહી શકે.

મારા બાળકોએ કંઈ કરવાની જરૂર નથી?

શાહરૂખ ખાને કહ્યુ, મારો સૌથી મોટો ડર મારા ફેમની તેમની પર અસર છે. હુ નથી ઈચ્છતો કે તેઓ ક્યારેય પણ ઝઘડો કરે અને કહે કે ઓહ હું મારા પિતા કરતા સારો છું. હું નથી ઇચ્છતો કે તેઓ ક્યારેય મારી ખ્યાતિથી સંપૂર્ણપણે ગળી જાય અને એમ વિચારે કે તેમને કંઈ કરવાની જરૂર નથી કારણ કે તેઓ મારા બાળકો છે.